شيد قصورك ع المزارع ... من كدّنا وعمل إدينا
والخمارات جنب المصانع ... والسجن مطرح الجنينه
واطلق كلابك في الشوارع ... واقفل زنازينك علينا
و يقل نومنا في المضاجع ... ادي احنا نمنا ما اشتهينا
واتقل علينا بالمواجع ... احنا اتوجعنا واكتفينا
وعرفنا مين سبب جراحنا ... وعرفنا روحنا والتقينا
عمال وفلاحين وطلبه ... دقت ساعتنا وابتداينا
نسلك طريق ما لهش راجع ... والنصر قرب من عنينا
غناء : الشيخ إمام
كلمات : أحمد فؤاد نجم
ليست هناك تعليقات:
إرسال تعليق